Raibondra Fest Menino Jesuchem Anim Soiream Daireanc Moujechem Apounem

Hi Batmi aileli Bombay Konknni Potrar DEFENSOR DOPOVO GOANO (tarik 30.1.1932)

 

Ho lekh porot prokaxit kelolo "LARGO DE DONA AMELIA" pustokan zo xhaplolo "Tiatracho Ugddas Poilea Xenddeacho - 1904-2004-acho souvenir kosso. Hea sovenir-acho copy pattovpi Michael (Micky) Fernandes.

 

Hem borovop www.ribandar.com mathealear “Denfensor Dopovo Goano” masikacher prokaxit zalelem toxem uzvaddit kelam. Kaim zageancher borovpean Purtugez bhaxa vapudlea tor choddxea zagueacher porne borovpache riti pormonnem “k” okxerache bodlek “c” okxeracho upyeog kelolo assa. Vachpeanim nond korchem.
 
Raibondra  Fest Menino Jesuchem
ANIM
Soiream Daireanc Moujechem Apounem 
 
Amchea Goa xarant vorsache barai moineamcheam dissani festam falt nam zonn eca gavan. Osle porbec soirim dairim ani ixtt mitr unnem zainam. Oi, fest eka Santachem zaum Devachem vosta zon eca gavan purvile istili  pormonem. Teach porim fest Menino Jesuchem, Raibondra (Ilhas) gazta vorsan voros, zoruin hem fest adle purvoz kortale vodda devosponamchea manan, tor hea tempar teach manan Devachea vosonc zai asli urba, pun nam! Hea festachi urba chodd attaplea Theatrache umedin.



Vachpi zanam ho gaum vortouta dusri cidad, jernam assa Ponje laguim. Ponjecho Patto vortoulo nitt marog pavonc hea gavan, poilench meuta Capela Nossa Sra do Remedios Saibinimchem ani uprant meuta Igorz ji bandleli tarvotti pacleanim, jernam tanchem tarum tea zaguear pavon sampoddlem vadou-vareachea chopkeac. Heam tarvotti pacleanim Saibininc kelem magnem apleac perigac pavonc, je te vatoule jea tarvachi lambai dacoilea ason dorian don khuris. Jernam Ankuar Suamin jichi Imaj asli tarvar, ti tanim dovorli he Igorjent, padri sermaum sangta tache voir ji azun devotanche nodrec poddta. Tanim bandlelem ek copel coxem, pun uprant St. Francisco Xavierachi Baguivont kudd addtoch Goeam, goroz poddli tachi kudd dourunc hea copelan, tetun than zali hi Igorz. Hea gaumchi Igorz assa Chimbel, pun hea ochorianchea dhonianc anga dovortoch nomiarli hi Igorz jichi patron vortouta ti tarvotti pacleanim dovorleli Saibin tarvachi N. Sra da Ajuda.

Lamb zainam zaunc ki hobor amcam duc bogli polloun menino Jesuchea Festacheam salvinc conn gaumcho loc itlo sogott pavonam munn hea devosponanc.

Oi, hem fest Menin Jesuchem zalem hea muineache 17ver te Igorjen favo tea manan, ason  ek vo don Cazacam neson, jim  cazacam nesso adle dignidadiche munis tea gavan, pun atam cosleai munxac voddvic dista tem angac choddoilear. 

17ver Aitaradis fest somplem ani Somaradis, Fonddveant Copela pattlean  gatlolo mattou theatracho zuim ho mattou vorsan voros galta ani cortat theart. Loc sogleam sezari gaumcho upott borlolo, tosinch gaumcheam munxanchim soirim, dairim, vistt ani mitr. Oxea porim loc upott borlolo te ratri tea mattva bountim vhodd tosso lhan. 


Theatr suro zalo sumar  ratcheam 10 horar, zo poiloch pordho ugddun sogleam Theart cornaranim eke arin ravon  suru kelo hea socoilo Prologue sobit intuvasavan, jem cantar vortoulem bhou ruchichem ani soglea upott borlelea locac bhou  tem mandlem.

Uprant ek choli ani cholo bhair sorlim ani kelem cantar choddfoddeanchea mogachem. Lhan burgueanchem cantar vortoulem bhou coutic. Ek choli axeta xinconc rebec anim hi tichi as xarti paita tichi avoi pun Sr. Queiroz neson mataro rebekist te choliec faraun sodta, jea vorvim tanem aplem rebek kankec marun vechem poddta aplea Choddnanchea gavan. Xekim meuta ek torno rebekist pun eca payean tontto, zo poddta te choliechea mogan ani hem kestaum pauta rejidorguer, zo vortouta torui Sr. Queiroz hem kestaum mogachem cabar corunc ani tancho ecott tharaunc.

Dusrem ek bhou gommoti  senam matri xamaim anim tiche natu dog zan,  voddlo vortoulo xanom  ani dusro pisso, zo aple xamainc jivi marta eca tonkean tichea nacar mus boslo munn.

Ecach utran ho Theart vortoulo bhou gommoti, zo soboilo zon eclean, ap-apleo parti favo te ritin corun ani hea vorvim soglea locac gara daddlo dadoxi corun socauchea tin horar.

Man favo heam sogleam Theart cornarac ani vodic man favo xincoinarac za zanam coslo baradic vaur to Theatracho. Tosoch man favo gaumchea  locac oslem hor’r loc bogunc pauta munn sezarcheam gaumchem….. Tossoch amcho dinvas sogli masagot gueteleanc.

Prologue 

Amcho Rochnar Dhonim sounsar dorta gottu
Apurbaiecho amcho Menino Jesu
Dusream nasavanim heranc corun polle Buku
Religiaum khoro Roman Catolicu

(Chorus)

Bhaguivont S. Jose nirmoll innocent;
Devan dili Potin Santan Maiechi dhu,
Saibin Santan apurbaiechi tachi Sasu,
Sorga sounsaracho dhonim ticho natu.

II

Sounsaran eilo mogacho put munn, sanglem Deva Bapan
Herod patxeacher eun acant dorunc daddle diciplanc
Saibin gaddvar boson vocho Belea Xarant
Bhetcantti marun tica thuinch khoddop kelem anjan.

(Chorus)
 
Menino Jesuc hem amchea porzolit guinean
Goribponnan zolmolo Belea Xarant
Zaite Sant Boct Martir  mele tachea mogan
Pun tancam sanddunc nam sogleanc dorleat gopan.

III
 
Menino Jesu zatoch Belea Xarant, ancuddlo xian
Dectoch ansonc laglo team gorvam Racneanc
Un’nam marun rocddoch guelo tenchea khankeant
Ani tinnim dorlo teca moi-mogan.

(Chorus)
 
Menino Jesuchem amchea porzolit guinean
Meleleanc keleat jive nidlele fonddan
Bapachem naum geun bore keleat ton’tteanc cuddeanc
Jib dileo moneanc ulonc hea sounsaran.

IV

Bhau bhoinim aileam anga amchea  sezarchea gaumche
Istimosavanche tumin soire amche
Menino Jesun tumcam ani amcam sambaunche
Conn babdde ass ate vaittan bore corche

(Chorus)

Zaiem tem magoea  amim Menino Jesu coddem
Amcam gulamponantle soddoillea  tennem
Amchea passun Saibin magta Putracoddem
Magta tem sogleanc di corinacaim unnem.

PROLOGUE TEA THEATRACHO.

 

Prev Next